Jir co la cèspes
Le "ciaspole", o cèspes descheche ge vegn dit per fascian, l é n strument veie e veior durà per descorir la crepes canche l é la neif, fajan raides sun troes che no se podessa descorir e aprijièr zenza chest èrt.
L é na raida no tant senestra, da fèr co la cèspes, che se dejouc fora per l gran raion dolomitich. Fajan chest percors se rua te Fuciade, con sia sacotanta tiejes, e jan inant se rua sun Pas de la Forcia Rossa, ge jan do ai troes 670 e 694 che mena avisa sotite i bie spic del grop de la Marmolèda - Ombretola.
Chest percors zis bel l se dejouc fora per n ambient dolomitich fora de anter, passan fora valèdes olache l om no à lascià trop sia pedies e te lesc olache se pel se goder n panoram zis da marevea. Fajan chesta raida se passa tedant a la Mèlga Crocifisso e a la Baita Monzoni, uties da mont olache se pel se fèrmèr per tirèr l fià e che les é avertes ence d'invern.
Se trata de na spazirèda che se dejouc fora per la Mont da Poza (Val San Nicolò), una anter la più bela valèdes secondères de Fascia. L percors, enceben che l sie n muie lènch, l é sorì da fèr, con na bela veduda e sun chest troi no l é pericol de levines, amancol per l toch che mena enscin sul spiz del Sas da Pecol.
Chest percors dassen sorì da fèr co la cèspes l se dejouc fora per l gran raion de la Dolomites sotite i spic del Grop de la Marmolèda - Ombretola, desche le Ponte Ciadine e l Om Gran. Chesta promenada la é beleche del dut pianejina; se trata de na strèda batuda che mena enscin te Fuciade con sia tiejes carateristiches.
Chest bel percors l é l troi n. 463 Sat e l dèsc l met de ruèr aló da Mèlga Stabio pontan via dal Pas de Duron. La mont olache l é stat fat su la mèlga, sotite ponta Sera, la é dassen n muie bela.