Snowpark
Zona aposta per joegn e dassen alternativa: Fascia l'é dassen n bel raion olache te pes jir co la brea. Sui portoes de Fascia endrezé aposta per jir co la brea, de segur te podares te goder n muie. Te Fascia chi che à gust de de jir co la brea o che ge sa bel fèr freestyle i à a la leta 5 arees resservèdes e belebon endrezèdes olache i troarà jump, rail, boarder e kicker olache i pel se goder a fèr sauc e pirles con segureza.
Chest parch per jir co la brea l'é te mez al raion di portoes del Belvedere, tel cher de la la Dolomites. Te chest post se rua sorì co l'impiant portamont che va sù da Cianacei. Chest parch, col nef boardercross l'é spartì te doi linies, una che la é sorida e l'autra mìngol più senestra. Chi che jirà te chest parch per fèr sauc troarà paraboliches, box, rail e l BigAirBag, n gran madroz a aria (17x 11 metres) che l pel amortisèr vigni saut. Te chesta lèrga chi che fèsc chest sport pel se arcedèr tel control de duc i pirles che se fèsc per aria.
Sun Pas de Sèn Pelegrin, a 2.000 metres, l'é l'Easy Snowpark, na lèrga dassen bela olache chi che à gust de fèr chest sport se dèsc la endesfida sun jump sun chi che ic pel fèr pirles maraveousc.
L parch per jir co la brea sun Rodela l'é dassen l post mior per chi che taca a fèr freestyle. L'é logà anter l portoi Grohmann e Salei, sotite la crepes del Saslonch.
Da la man a sud de Lujia, envers Bellamonte, l'é n portoi per boardercross lènch presciapech 800 metres e lèrch 6, no tant senester: al scomenz de chest percors, olache l'é logà jù n ciancel da olache pel vegnir jù cater jent a la outa, l'é 10 - 12 parabololiches, dò l'é na lèrga coi jump con 4 o 5 coi per i sauc. Te chest post se rua col nef impiant portamont per 8 jent "Ronchi - Le Cune" a 1,5 chilometres da Moena.
Inaudà del 2012, Ston8 l'é l nef parch per jir co la brea logà sun Ciampac, ta Dèlba. Estra che chest parch, te Fascia l'é amò etres cater parches.