A.C.A.T.
Ladin
Italiano
Sociazion Provinzièla di Club di Alcolisć sul teritorie
L’APCAT, Sociazion Provinzièla di Club di Alcolisć sul teritorie del Trentin, la é stata metuda sù de oril del 1986 aldò del besegn de coordenament palesà dai Club. Sia finalitèdes les revèrda avisa l setor de la sanità te sie desvalives aspec, ma più che auter la se cruzia di problemes leé al beiver massa, sporjan tel medemo temp l didament e l'intervent di Club di alcolisć del teritorie envers la istituzions e i desvalives Enc. Te noscia Provinzia l’é 165 club en dut, numer che muda desche la metodologìa durèda ti club medemi. L'atività metuda en esser l’é l’ejit de colaborazions co la A.c.a.t. e i club, da cheles che vegn fora la idees da lurèr fora, metan a jir convegnes, seminaries o auter, desche la scontrèda anuèla de la families, che à inom Interclub Provinzièl, che vegn metù a jir te desvaliva localitèdes del Trentin. A stèr ensema, ge vegn dat l met a la families e a chi che tol pèrt de entener che i problemes leé a l'alcolism i fèsc pèrt del viver de duc i dis.