Download "File di Modulo richiesta aggiornato diret Habitat mar 25"
(File di tipo msword di 57,00 kB)
Regoeta de piantes e fiores spontans
La autorisazions per binèr su te Fascia piantes e fiores en deroga ai limic cantitatives pervedui da la L.P. dai 23 de mé del 2007, n. 11 (Goern del teritorie forestal e da mont, di ruves e de la arees stravardèdes) les cogn vegnir domanèdes al Comun General de Fascia.
Aldò di artìcoi 7 e 8 del D.P.P. dai 26 de otober del 2009, n. 23-25/Leg. (Regolament de esecuzion de la L.P. dai 23 de mé del 2007, n. 11) l Comun General de Fascia l pel autorisèr, per rejons scientifiches, didatiches, de medejina o per rejons alimentères, la regoeta de piantes e fiores spontans en deroga ai limic cantitatives pervedui da la normativa, a favor de sogec enscinué te la lingia provinzièla di operadores abilité a la coltivazion, a la regoeta e a la pruma trasformazion de piantes da medejina per la produzion de prodoc alimentères fac con erbes e sie mescedoc o de sogec publics o privac.
La autorisazion la é personèla, l'à valor per un an e sun chesta se cogn scriver l lech olache vegn binà su fiores, la cantità e la sort de fior che se vel binèr su e i nominatives di sogec enciarié.
La autorisazion l'à valor tel ambit teritorièl di sie comuns de Fascia, tout fora l tegnir de la frazions de Poza, de Cianacei, de Penìa e de Gries e la cognarà vegnir moscèda semper canche l personal enciarià de la soravèrda l la domana, ensema con n document de identità de la persona autorisèda.
Chesta autorisazion no à valor ence sul tegnir del parch naturèl de Panvelge - Pèles de Sèn Martin. Per chest raion se pel ge domanèr na permiscion aposta al Ent Parch, demò per besegnes de studie e de enrescida, aldò del art. 56 de la normes de atuazion del Pian del Parch medemo.