La gejia di Sènc Piere e Paul
Ladin
Italiano
Vegn scrit en cont de chesta gejia per la pruma outa sun n document del 1505, aboncont se peissa che la medema la sie stata fata sù dant (XV secol). Ti egn l'é stat fat n muie de intervenc con chi che l'é stat mudà e smaorà l frabicat originèl e l resultat l'é la strutura che se veit anchecondì. L'utère maor che l'à la parbuda del stil del prum baroch se peissa che timpruma l sie stat logà te na gejia parochièla de Busan; dapò, enscin al 1802 chest lé stat logà te la gejia parochièla de Sèn Jan a Vich. Te la nicia zentrèla l'é ite la fegura de la Madona Neigra col Bambin e dutentorn a ela l'é agnoi. Te la nices laterèles se pel veder la statues di Sènc Piere e Paul.