Aventures su la Crepes Spavides
Aventures su la Crepes Spavides l é n jech pissà per ge fèr cognoscer l ambient dolomitich ai più picoi a na vida scempia e gustegola.
Crepes Spavides: n auter inom che ge vegn dat a la Dolomites, recognosciudes da "Unesco" desche Patrimonie de l’Umanità, e che se lea ence a la lejendes che i giaves i ge conta ai nevoes e che se podarà descorir te chest jech. Chest projet l é nasciù per sensibilisèr i più picioi al respet del ambient e del paesaje dolomitich, l é stat traslatà te desvalives lengac anter chisc ence i lengac de mendranza – ladin, mochen e zimber – doventan n strument didatich per arvejinèr o per meter en doura la cognoscenzes de basa di lengac de mendranza del Trentin. Drucan l link www.avventuresuimontipallidi.it te pes troèr i doi librec (Libret – jech A dedicà ai bec che à anter I 9 e i 10 egn e l Libret – jech B dedicà ai bec) con schedes tematiches che rejona del bosch, del paìsc, del ciel e de la crepes, da desćiarièr e da stampèr. Amò apede l é ence na verscion app (http://app.avventuresuimontipallidi.it ) zis belota ajache l é stat enjontà ence la ousc di personajes e de chi che conta la storia.
L projet l é nasciù da na colaborazion anter l Partiment Afares Istituzionèi de la Provinzia Autonoma de Trent, la Fondazion Dolomiti Unesco e l Museo de la Scienzes (MUSE) de Trent e l é stat traslatà per ladin dai Servijes Linguistics e Culturèi del Comun General de Fascia.