Programazion ladina T.M.L.e programes metui en esser
T.M.L. Tele Mendranzes Linguistiches, l'é l canal digitèl dedicà a la mendranzes linguistiches de la Provinzia de Trent.
T.M.L.: "Co la jent, de la jent, per la jent"
Tras n meso fondamentèl desche la televijion, ladins, mocheni e cimbri pel coscita valorisèr e sparpagnèr fora sia identità. Con chela de durèr miec che l’é meso chesta ressorsa, l Comun general de Fascia l se à pissà de portèr dant a na vida che abie fazion l lengaz ladin, no demò col jir a chierir tel passà de noscia cultura, ma col uzèr fora soraldut l'atualità e la vita de vigni dì de na val ativa desche Fascia.
La formula che caraterisea la gaissa de chesta neva programazion ladina l'é "Co la jent, de la jent, per la jent", simbol che volessa dir fora la neva vida de veder l canal desche laboratorie medial, co la jent che no vèrda demò, ma che la é pèrt ativa de la creazion di programes.
N laboratorie semper atif olache se tol dant con gaissa duc i neves projec e i besegnes, olache se laora ensema per tor sù neva idees, les baratèr e les meter en esser.
Vardane sù… Percheche TML la é ence tia…
Dedicon chesta sezion ai programes enjigné e mané fora sul canal digitèl TML e publiché ence sul canal YouTube TV Ladina.