Download "File di ah, la femenes! se no les fossa ge volessa se les pissèr! - de Mariangela Nocher "
(File di tipo pdf di 312,21 kB)
Teater per ladin
Publicon te chesta sezion la traduzions per ladin de desvaliva comedies neves o ja spilenèdes dai gropes de teater de Fascia e ence operes originèles per ladin de autores fascegn.
Con chesta scomenzadiva i Servijes Linguistics e Culturèi porta inant la colaborazion percacenta peèda via del 2017 con chisc gropes per valorisèr e engaissèr l teater per lengaz de mendranza desche met per sparpagnèr fora na doura sćiantiva del lengaz mère. Se trata de na regoeta averta a neva traduzions e operes che speron che les vegne portèdes dant tel davegnir. Envion duc chi che ge sa bel l teater e chi che à amor de scriver per ladin a se dèr ju co la compojizion de operes originèles.
I tesć i é stac traslaté dai Servijes Linguistics e Culturèi del Comun General de Fascia. I autores/chi che à l derit de l’opera originèla à dat ju sia autorisazion a la traduzion. La autorisazions les é a la leta ti archivies del Comun General de Fascia.
Ben segur che per meter en scena la operes l é de besegn de se oujer istesc a la SIAE per aer la permiscions pervedudes.