Berneboel - Roba da Bec
Berneboel l é na parola frisona che per ladin vel dir “roba da bec”, na aplicazion didatica con jeghes, conties, video e cianzons per picioi (a la leta su Google Play Store e App Store).
L projet, metù en esser dal Comun General de Fascia col didament finanzièl de la Provinzia de Trent, l é stat pissà da na firma de la Frisia, che la l’à metù a la leta de autra mendranzes linguistiches.
L projet tol ite video e cianzons didatiches sun argomenc desvalives, acioche i bec posse emparèr scutan e ciantan. Vigni argoment l é despiegà tras trei video e una cianzon. Col piciol David e sie ors che rejona, i bec piens de voa de saer, cognosc l mond e sia paroles per ladin; con Oto e Jan ence chi più gregn pel se fèr doi grignèdes, semper, ben segur, per ladin; con Gere l Elicoter ence i più picioi viajarà e descorirà neva paroles.
Desćèria chiò l jech per tie Computer:
L projet l é jit inant. Estra che n jech, Berneboel, parola che vegn ca dal frison e che vel dir "roba da bec", ades l é ence n dessegn animà che l é stat traslatà e dopià ence te nosc lengaz ladin dai Servijes Linguistics e Cultuèi del Comun General de Fascia e che volon ve portèr dant te chesta sezion. Gregn e picioi podarà se endeletèr e emparèr l lengaz ladin dessemea a amisc dassen gustegoi.