Berlichete
Anter i projec metui a jir dai Servijes Linguistics e Culturèi del Comun General de Fascia per la inclujion linguistica e per la sensibilisazion envers l ladin, dal 2018 en ca vegn metù a jir Berlichete, n laboratorie creatif per lengaz de mendranza per bec de età anter i 5 e i 8 egn.
Chest laboratorie l vegn endrezà tant per i bec che rejona ladin che ence per i bec che no i lo rejona amò e l tol ite ence genitores e compagnadores, che i pel tor pèrt al event e didèr te la ativitèdes.
L obietif l é de engaissèr la doura del lengaz de mendranza e ence de tor dant a na vida averta e costrutiva chi che no rejona ladin, per favorir l’integrazion e smaorèr l numer de locutores ladins.
Tras chesta ativitèdes i picioi laora sun argomenc vigni an desvalives che i caraterisea i Pians de Politica Linguistica del Comun General. Te l’ocajion de la scontrèdes de Berlichete ge vegn donà ai bec e a sia families libres e materièi per ladin.
L laboratorie per ladin metù a jir del 2018 a chel che à tout pèrt i bec anter i 5 e i 8 egn ensema coi genitores.
L laboratorie per ladin metù a jir del 2019 a chel che à tout pèrt i bec anter i 5 e i 8 egn con sie genitores.
L laboratorie creatif metù a jir del 2023 a chel che à tout pèrt i bec dai 5 ai 10 egn coi genitores