Download "File di I adejives con sù i lurieres da tachèr sù sui auti"
(File di tipo pdf di 698,39 kB)
Lurèr fascian
L projet "Lurèr fascian" l vegn ca da na colaborazion nasciuda del 2013 anter l Comun General de Fascia, la sociazion di Artejegn e di boteghieres de Fascia, con chela de sparpagnèr fora l'identità ladina te Fascia ence tel setor de l'economia, con chela de spenjer i fascegn a se emprevaler di artejegn e di boteghieres dal post, a na vida da fèr cognoscer miec i servijes che aon a la leta sul teritorie, soraldut te chisc egn de crisa economica.
Se trata de endrezèr n vademecum dut per ladin con ite l inom e l contat de la firmes di artejegn e de la boteighes de Fascia, che ge vegnarà sport a duta la families de Fascia; se l sentadin l vel se emprevaler di servijes, no l cogn fèr auter che tor ca chest codejel e tor contat coi artejegn a na vida n muie sorida.
Dant de la publicazion scrita, vegarà publicà su la piata internet del Comun General na verscion da poder agiornèr acioche ence etres operatores economics i posse la veder e, semai, tor pèrt a la scomenzadiva, dant che chesta publicazion la vegne stampèda.
I artejegn e i boteghieres che vel tor pèrt al projet, pel se oujer al Ofize per i Servijes Linguistics e Culturèi del Comun General de Fascia (n. de telefon 0462-764500 int. 4 o a la direzion mail cultura@cgf.tn.it) per fèr a saer i dac de la firma, enjontan la autorisazion che se pel desc'iarièr chiò de sot.
Chest servije l vegn sport debant.
Allegati
I adejives con sù i lurieres da tachèr sù sui auti
Formulèr enscinuazion "Lurèr per ladin...amò più bel!"
Ve porton dant la lingia di artejegn e di boteghieres che à tout pèrt a la scomenzadiva "Lurèr per ladin...amò più bel!"